Quen é Marma?

Marma é unha cooperativa de traballo formado por un equipo de persoas creativas, valentes, comprometidas e diversas.

O nome propio vén da unión dos seus socios fundadores, Marina e Matías. Pero neste longo camiño desde o 2016 fóronse sumando outros profesionais e colaboradores como produtoras, deseñadores, ambientólogos, consultoras, expertas en igualdade, creativas, cámaras e guionistas que completan a visión de Marma para facela máis diversa e multidisciplinar.

Cremos no talento, no traballo e no poder do noso oficio como ferramenta para transformar a sociedade cara a un lugar máis xusto, igualitario, diverso e respectuoso coas persoas e o planeta. Por iso, a nosa misión é xerar unha comunicación e un contido responsable.

Somos Cooperativa porque defendemos a Economía Social como fórmula de desenvolvemento persoal e profesional sostible.

Misión

A misión de Marma é crear e xerar contido veraz, útil e entretido que favoreza a comunicación entre persoas para construír unha sociedade máis xusta, igualitaria, diversa e sostible.

Visión

A visión de Marma é ser unha organización líder na creación de contido, exercendo unha Comunicación Responsable que non promova máis necesidades de consumo na sociedade, senón que favoreza o encontro de solucións innovadoras a problemas sociais e ambientais.

Valores

O compromiso, a valentía, a diversidade e a proximidade.
Marma productora audiovisual A Coruña

Como o facemos?

Creamos historias únicas e memorables, que son capaces de conectar ás persoas coa súa contorna.