Xornada de Economía Azul

Creación dunha estratexia de contido para poñer en valor o traballo realizado polo grupo de acción local Golfo Ártabro Norte no período 2014-2020, unha vez que se pechaba o fin da convocatoria.

O obxectivo do evento recaía en comunicar e potenciar o impacto positivo que se xerou no territorio grazas aos proxectos subvencionados pola entidade. Estes proxectos de desenvolvemento local permitiron xerar postos de traballo, fixar emprego e diversificar o sector marítimo-pesqueiro e os seus produtos.
A mellor maneira de transmitir estas mensaxes era dar voz ás persoas que foran beneficiarias das axudas e por iso producimos o vídeo-documental “Un mar de oportunidades” que profundou nas historias destas persoas.